Monday, April 15, 2013

അപൂർവരാഗം

ഞെരിഞ്ഞമരുന്ന കരിയിലകൾക്ക് -
ശാപമോക്ഷത്തിന്റെ പഞ്ചാക്ഷരിയുമായി...  
വൈകിയെത്തിയൊരു മഴയുടെ-
കുസൃതിപ്പൂക്കൾ മണക്കാതെ... 
ഹോമാഗ്നി തൻ ഹവിസ്സിലെ
മോഹമുത്തുകൾ പെറുക്കാതെ... 
കലിയടങ്ങാത്ത കടവാവലുകൾക്കും-
വലകൾ നെയ്ത ചിലന്തികൾക്കും ഓമൽനാദമായ്-  
ഇരുണ്ട ഇടനാഴികളിൽ എറിയുംകുറഞ്ഞുമീ  
ഒടുങ്ങാത്ത പാദപതനത്തിൻ ധ്വനി ...

നേർത്ത വെളിച്ചത്തിൻ ദൂതുമായ്‌-
ഒരു കണ്ണേറിനു പോലും ഇടനൽകാതെ-
വീശിയടിയ്ക്കുന്ന തണുത്ത കാറ്റിനെയും ഭേദിച്ച്‌-
ഒരു നോട്ടപിശകിൻ പാപഭാരവുമില്ലാതെ- 
കണ്ണാടിമനസ്സിൻ  ചിമിഴുമായി വീണ്ടും നീ എന്നിലേയ്ക്ക് ... 

പൂപ്പൽ പുരണ്ട ചിന്തകൾക്ക് -
തിരിച്ചറിയാനാകുന്നില്ല  നിന്നെ... 
ഓർമകളുടെ ചെമന്നപൊട്ടുകൾ-
അപ്പോഴും ആ കണ്ണുകളിൽ-
അപൂർവരാഗത്തിന്റെ കഥ തിരയുകയായിരുന്നു...

21 comments:

  1. തിരയുകയായിരുന്നു എന്നും!!

    ReplyDelete
    Replies
    1. എന്നും എവിടെയും തിരയുന്നു.... :) സന്തോഷം നിത്യെ... വായനയ്ക്കും പ്രോൽസാഹനത്തിനും....

      Delete
  2. തിരഞ്ഞുതിരഞ്ഞൊടുവില്‍ കണ്ടെത്തി

    ReplyDelete
    Replies
    1. അജിത്തേട്ടാ... സ്നേഹവും സന്തോഷവും ഈ വായനയ്ക്കും നല്ല വാക്കുകൾക്കും....

      Delete
  3. പ്രിയപ്പെട്ട ആശ,

    വളരെ നന്നായി എഴുതി.
    ഓരോ വരികളിലൂടെയും ആശയിലെ കഴിവുള്ള എഴുത്തുകാരിയെ വായനക്കാർ തിരിച്ചരിയുന്നു.
    ചിന്തകൾ ഇനിയും തീനാളങ്ങൾ ആകട്ടെ !
    ആശംസകൾ ആശാ !
    സ്നേഹത്തോടെ,
    ഗിരീഷ്‌

    ReplyDelete
    Replies
    1. ഈ സ്നേഹം നിറഞ്ഞ വായനയ്ക്കും പ്രോത്സാഹനത്തിനും ഒത്തിരി സന്തോഷവും നന്ദിയും ഗിരീഷെ....

      Delete
  4. കലിയടങ്ങാത്ത കടവാവലുകൾക്കും-
    വലകൾ നെയ്ത ചിലന്തികൾക്കും ഓമൽനാദമായ്-
    ഇരുണ്ട ഇടനാഴികളിൽ എറിയുംകുറഞ്ഞുമീ
    ഒടുങ്ങാത്ത പാദപതനത്തിൻ ധ്വനി...... അത് കൂടുതല്‍ സ്ട്രോങ്ങ്‌

    ReplyDelete
    Replies
    1. കാത്തീ... ഈ വരവിനും വായനയ്ക്കും ഒത്തിരി സ്നേഹവും കടപ്പാടും...

      Delete
  5. കവിത നന്നായി ആശാ.... ആശംസകള്‍

    ReplyDelete
    Replies
    1. അച്ചൂ...ഈ നല്ല വാക്കും സ്നേഹവും ഇഷ്ടായി...

      Delete
  6. വീണ്ടും തിരികെ....
    ആശംസകള്‍ ആശ

    ReplyDelete
    Replies
    1. ചുമ്മാ ഒരു മടക്കം... ഈ സ്നേഹത്തിനു കൊറേ സന്തോഷം ഗോപാ...

      Delete
  7. എഴുത്തിന്റെ വഴി ചിലപ്പോള്‍ ഒരു പഠനപ്രക്രിയയുമാണ്.ആശ തിരിച്ചറിയുക.

    ReplyDelete
    Replies
    1. വളരെ ശരിയാണ് രമേശേട്ടാ... ഈ വായനയ്ക്ക് നന്ദിയും സ്നേഹവും രമേശേട്ടാ.....

      Delete
  8. അപൂര്‍വ്വ രാഗത്തിലെ പൂപ്പല്‍ പുരണ്ട ചിന്തകള്‍ ഹൃദ്യം.

    ReplyDelete
    Replies
    1. റാംജിയെട്ടാ... ഹൃദ്യമായ വാക്കുകൾക്ക് പകരം സ്നേഹം...

      Delete
  9. ഞെരിഞ്ഞമരുന്ന കരിയിലകൾക്ക് -
    ശാപമോക്ഷത്തിന്റെ പഞ്ചാക്ഷരിയുമായി...

    വേഗം ഒരു മഴ വന്നെത്തട്ടെ. കവിത ഒത്തിരി ഇഷ്ടമായി.

    ReplyDelete
    Replies
    1. ഹൃദയം തുടിപ്പിയ്ക്കുന്ന ഒരു മഴയ്ക്കായി ഞാനും കാത്തിരിയ്ക്കുന്നു മധുവേട്ടാ... ഈ വായനയ്ക്ക് ഒരുപാട് നന്ദിയും കടപ്പാടും...

      Delete
  10. മഴ..കാറ്റ് ..അതിന്റെ കുളിര്

    ReplyDelete
    Replies
    1. മുഹമ്മദേട്ടാ... ഈ മഴയിലും കാറ്റിലും കുളിരിലും ഒപ്പം കൂടിയതിന് മഴപ്പൂക്കളുടെ ചിമിഴ് സമ്മാനം തരാംട്ടൊ...

      Delete
  11. ഓര്‍മകള്‍ വാക്കായ് പരിലസിക്കുന്നു, എങ്കിലും എവിടെയോ നഷ്ടമാകുന്ന ഗദ്ഗദം ഞാന്‍ ശ്രവിപ്പൂ

    ReplyDelete