നീയുമൊത്ത് ഒരു കടൽ കാണണം
ഒരു സായംസന്ധ്യയുടെ കുളിരഴകിൽ
മനസ്സ് കുറുമൊഴികളുടെ മണിത്തുമ്പിയായ്
സ്‌മൃതിയലകളുടെ പിൻവിളികൾക്ക് കാതോർക്കണം
പിച്ചക പൂമണമിറ്റുമാ കനവിൽ
എന്നിൽ നിറവസന്തമായ് പെയ്ത്
മുട്ടിവിളിക്കുന്ന മിഴിവുറ്റ കാമനകൾക്ക്
നിന്റെ പ്രണയസ്പർശമേൽക്കണം…
കുപ്പിവള കിലുക്കത്തിൽ ഒളിപ്പിച്ച തൃഷ്ണകളെ
നിന്റെ പൂമിഴിത്തുമ്പിൽ ചാലിച്ച്
അഴകൂറുമാ സുസ്‌മിതവദനത്തിൽ
മുഖം ചേർത്ത് വച്ച്
ആ വശ്യഗന്ധത്തിൽ
അലിഞ്ഞു ചേരണം
No comments:
Post a Comment